RSS

Tergila-gila

14 Jul
“Jak, elu tau ga, pegimane biar cewek-cewek banyak yang tergila-gila ame gue?” tanya Badu pada Jaka yang lagi ngasih makan ayamnya yang semata wayang.

“Tau, tapi syaratnye berat, elu sanggup kaga?” kata Jaka sambil berusaha nangkep ayamnya yang kabur begitu ngeliat Badu. Romannye si Badu disangka tukang jagal ame tuh ayam.

“Emang syaratnye ape? Kaga syirik kan?” tanya Badu lagi sambil ikut-ikutan ngejar tuh ayam yang makin ketakutan.

“Kaga syirik deh, cuman syaratnye rada-rada berat, ntar lu ga sanggup lagi.” kata Jaka yang akhirnya bisa nangkep ayamnya yang ampir kecebur ke sumur.

“Asal kaga syirik mah, gue pasti sanggup deh, asal jangan disuruh masuk ke kandang macan aje.” kata Badu sambil ngebersihin bajunye yang kena kotoran ayam.

“Bener lu sanggup?” tanya Jaka lagi, ayamnya udeh dimasukkin ke dalam kandang.

“Sanggup deh.” jawab Badu yang penasaran.

“Syaratnye pertame-tame elu kudu pake kolor babelu yang gede ntu, trus elu pake kemeja yang warnanye ngejreng, kalo bisa yang warne pink. Trus elu pake juga tuh dasi kupu-kupu ame pinjem deh empeng adek lu, lu gantungin di leherlu. Nah abis ntu elu mejeng deh di depan rumah, ntar setiap ade cewek lewat lu bilang gini ‘cewek, ai lap yu’ sebanyak-banyaknye, pasti tuh cewek-cewek menggila-gilai elu.” kata Jaka sambil lari ke dalam rumah.

“Sial lu Jak! Itu mah cewek-cewek bukan tergila-gila ame gue, tapi malah gue di katain gila.” kata Badu sambil melempar Jaka pake sendalnye yang butut.

 
Tinggalkan komentar

Ditulis oleh pada 14 Juli 2009 in Uncategorized

 

Tinggalkan Balasan

Isikan data di bawah atau klik salah satu ikon untuk log in:

Logo WordPress.com

You are commenting using your WordPress.com account. Logout / Ubah )

Gambar Twitter

You are commenting using your Twitter account. Logout / Ubah )

Foto Facebook

You are commenting using your Facebook account. Logout / Ubah )

Foto Google+

You are commenting using your Google+ account. Logout / Ubah )

Connecting to %s